Zańgerlik qyzmet úshin tólemniń tarıftik kestesi ázirlenbek
ASTANA. QazAqparat - Qazaqstanda zańgerlik kómek úshin tólemniń tarıftik kestesi ázirlenbek. Bul týraly QR Ádilet mınıstriniń orynbasary Janat Eshmaǵambetov málim etti, dep habarlaıdy QazAqparat.
«Halyqty aqparattandyrý úshin jáne salada kórsetiletin qyzmet úshin baǵany ádil qalyptastyrý baǵytynda advokattardyń, zań konsýltanttarynyń kómegin tóleýdiń usynylǵan tarıftik kestesin ázirleý qarastyrylǵan. Usynylatyn tarıfterdi eskere otyryp, azamattar zań kómegindegi ortasha baǵany aıqyndaı alady. Bul óz kezeginde artyq shyǵyndarǵa jol bermeıdi», - dep túsindirdi ol Májiliste «Advokattyq qyzmet jáne zań kómegi týraly» zań jobasyn tanystyrý barysynda
Onyń sózine qaraǵanda, taraptar eki jaqty sheshim arqyly tólemniń basqa somasyn bekite alady.
«Kórsetiletin zań kómegi úshin tarıftik kesteni ázirleý men bekitý Respýblıkalyq advokattar alqasymen jáne zań konsýltanttary palatalarymen iske asyrylady. Tarıftik keste usynys sıpatyna ıe ári ol ashyq túrde jarııalanady», - dedi Janat Eshmaǵambetov.
