Zańgerlerdi kásibı toptastyrý qajettiligi týyndap otyr - Iogan Merkel

ASTANA. 16 mamyr. QazAqparat -  Zańgerlerdi kásibı toptastyrý qajettiligi týyndap otyr. Bul týraly búgin elordada ótip jatqan Qazaqstan Zańgerlerdiń І respýblıkalyq sezinde QR Bas prokýrorynyń orynbasary Iogan Merkel aıtty.

«Zańgerlerdi kásibı toptastyrý, sondaı-aq olardyń qyzmet baǵyttaryna qaramastan zańgerler qyzmetiniń jalpy saıasaty men biryńǵaı standarttaryn ázireý qajettigi týyndap otyr», - dedi ol.

Onyń paıymynsha, búgingi tańda máselelerdi sheshý barysynda zańgerlik qoǵamdastyqtar arasynda birqatar ustanymdar boıynsha ortaq kelisimge kelý ońaı emestigi qupııa emes. Kóp rette vedomstvoishilik múddeler toqaılasyp jatady.

«Osy sezd jáne zańgerlerdiń birlestigi onyń ishinde sottar odaǵy, prokýrorlar qaýymdastyǵy, advokattar odaǵy, respýblıkalyq notarıaldyq palata syndy qoǵamdyq birlestikter men tájirıbeden ótip júrgen zańgerler memleket isindegi zańgerlik qoǵamdastyqqa qatysý arqyly oń yqpal etedi dep oılaımyn», - dedi I. Merkel.