Zańgerler turǵyndarǵa tegin kómek kórsetedi
NUR-SULTAN. QazAqparat – Nur-Sultan qalasynyń Zań keńesshiler palatasy tegin onlaın kómek kórsetýde. Bilikti quqyqtanýshylar áleýmettik járdemaqy alý, azamattyq quqyqtar boıynsha saýaldarǵa jaýap beredi, dep habarlaıdy elorda ákimdiginiń saıty.
Karantın kezinde Nur-Sultan Zań keńesshiler palatasy zańgerlik áleýmettik kómek kórsetýdi jalǵastyrýda.
Budan bylaı turǵyndar Telegram messendjerinde kópshilik chat arqyly onlaın-formatta quqyqtyq keńes ala alady.
«Bizdiń zańgerlerimiz suraqtarǵa jaýap beredi jáne barlyq saýal ıelerine 42 500 teńge kóleminde áleýmettik járdemaqy resimdeý, karantın kezinde kásibin júrgizý, kásipkerlerdiń quqyqtaryn qorǵaý, sondaı-aq otbasylyq, eńbek, salyq daýlaryna qatysty, t.b. ózekti máseleler boıynsha zańnamalyq kómek kórsetedi. Barlyq qyzmetter tegin jáne táýlik boıy qoljetimdi. Atalǵan qyzmetti zańger kómegine muqtaj adamdarǵa habarlandyrýǵa kómek kórsetýlerińizdi suraımyz», – delingen Palata habarlamasynda.
Nur-Sultan Zań keńesshiler Palatasynyń Telegram-daǵy toby. Kómek alý úshin myna siltemege basyńyz.