Zańgerler exit poll nátıjelerin jarııalaýda neden saq bolý kerektigin aıtty

NUR-SULTAN. QazAqparat - Qazaqstan zańgerler odaǵy exit poll nátıjelerin jarııalaýdyń tártibi zańda qalaı qarastyrylǵanyn aıtty, dep habarlaıdy QazAqparat tilshisi.

Qazaqstan zańgerler odaǵynyń tóraǵasy Serik Aqylbaıdyń aıtýynsha, ekzıtpol nátıjeleriniń barynsha shynaıy ekenine kóz jetkizýdiń mańyzy zor.

«Azamattardyń bir-birinen kimge daýys bergenin suraýǵa quqyǵy bar. Al ony aıtý nemese aıtpaý árkimniń óz erkinde. Exit poll derekterin resmı túrde jarııalamas buryn onyń qandaı kózderden alynǵanyn muqııat tekserý qajet. Kandıdattardyń biri sol ekzıtpol derekterine qarsylyq bilrdirip, BAQ nysanyna qarsy shaǵym túsire alady. Ol shaǵymy dáleldense, zań aldynda jaýap berýge týra keledi», - deıdi zańger.

S.Aqylbaı azamattar arasyndaǵy jekeleı saýalnamalarǵa bul talaptyń qatysy joq ekenin eskertti. ıAǵnı, tanystarynyń kimge daýys bergenin jarııalaýǵa zań tyıym salmaıdy.