Zańger: Halyqtyń qaýipsizdigi - turmys sapasynyń quramdas bóligi

JARKENT. QazAqparat - Quqyq qorǵaý organdaryna, onyń ishinde eń aldymen polıtsııa jumysyna sony serpilis jasaý qajettigi qoǵamda biraz talqylanǵan, pisip-jetilgen másele. Elbasynyń bıylǵy Joldaýy osy máseleni serpindi ete alady. Bul týraly Almaty oblysy Panfılov aýdandyq Ádilet basqarmasynyń basshysy, Qazaqstan Respýblıkasy Zańgerler odaǵynyń múshesi Marat Saǵymbek aıtty, dep habarlaıdy QazAqparat tilshisi.

Marat Saǵymbek elimiz Táýelsizdikten beri elimiz quqyqtyq memleket qurý jolynda  kóptegen  sharalardy júzege asyrǵanyn atap ótedi. Alaıda, bul baǵyttaǵy talpynystardyń bári birdeı sátti júzege asqan joq. Áıtse de, bilikti zańger Qazaqstannyń álem elderi arasynda damýdyń dańǵyl jolyna túskenin atap aıtady. Endeshe soǵan sáıkes, quqyq qorǵaýshylar da  ózderiniń kásibı  sheberlikterin  jetildirip, qoǵamnyń kóńilinen shyǵatyndaı qaltqysyz qyzmet reformasyna izdene berýi kerek.

«Memleket basshysynyń jańa Joldaýyndaǵy   baǵyt-baǵdar  olarǵa  sony serpin berip, oń jol siltedi. Quqyq qorǵaýshylar  da buny durys túsingen tárizdi.  Atap aıtqanda, Іshki ister mınıstrligi qazirdiń ózinde-aq polıtsııany jańǵyrtý jónindegi «Jol kartasyn» ázirleýge kiristi. Soǵan sáıkes, budan bylaı olardyń qyzmetin baǵalaý qoǵamnyń senim deńgeıi men halyqtyń qaýipsizdigin arttyrýǵa baǵyttalatyn bolady. Qalyń kópshilik bul týraly aqparat quraldarynan bilip otyr. ıAǵnı, bári qoǵamnyń kóz aldynda. Sondyqtan quqyq qorǵaý salasy ǵana emes basqa qurylymdar da  óz jumystaryna búgingi kún talabyna saı túbegeıli ózgerister engizýi  tıis», - dedi Marat  Rahymberdiuly.

Ol sondaı-aq, Joldaýdaǵy Prezıdenttiń quqyq ústemdigi týraly tapsyrmasy - reformalarynyń tabysty bolýynyń negizgi faktory ekenin atap ótedi.

«Bul rette Elbasynyń ýaqyt pen resýrstardyń orynsyz shyǵyndaryn azaıtý, jumysty júıeli túrde júrgizý úshin tıisti organdarǵa qajetti sharalar keshenin ázirleýdi tapsyrǵany mańyzdy dep esepteımyn. Shyndyǵynda, halyq qaýipsizdigi - turmys sapasynyń quramdas bóligi. Osy rette azamattardyń amandyǵy jolynda óz basyn báıgege  tigip, qylmyspen kúreste qaýip-qaterdiń ótinde júretin quqyq qorǵaýshylardyń jankeshti qyzmeti de qadirleýge turarlyq ekenin aıtqym keledi. Joldaýda olardyń jalaqysyn ósirý, turǵyn úı jáne de ózge de áleýmettik máselelerin ońynan  sheshý  týraly Elbasy tapsyrmasy da óte quptarlyq» - deıdi tájirıbeli zańger.  

Avtory:  Nurádil BEGІMBET