Zańger: Aldaǵy saılaý – ádiletti qoǵam qurý jolyndaǵy mańyzdy qadam

ÓSKEMEN. QazAqparat – S.Amanjolov atyndaǵy ShQÝ quqyqtaný kafedrasynyń dotsenti, zań ǵylymdarynyń kandıdaty Gúlmıra Baırkenova aldaǵy prezıdent saılaýyna qatysty pikir bildirdi, dep habarlaıdy QazAqparat tilshisi.

«Prezıdent Qasym-Jomart Toqaevtyń 2019 jyly qolǵa alǵan bastamalary men konstıtýtsııalyq reformalardyń nátıjesinde Qazaqstanda memlekettik-saıası qurylymnyń jańa modeli qalyptasty. Endi kelesi qadam – osy modeldi iske qosý bolmaq. Bul kúrdeli, jaýapty qadam Konstıtýtsııaǵa sáıkes halyq pen memleket atynan áreket etetin Prezıdent pen Parlament depýtattarynyń tikeleı saılaýymen baılanysty. Eń aldymen, halyq Memleket basshysyn jańarǵan konstıtýtsııalyq mártebede jáne jańartylǵan saılaý zańymen saılaýy kerek», - deıdi Gúlmıra Baırkenova.

Onyń aıtýynsha, Qazaqstan halqy saıası ózgeristerdiń mańyzyn túsinip, Prezıdenttiń bastamalaryn qoldaıdy.

«Sonyń birden bir dáleli – 2022 jylǵy maýsymda ótken jalpyhalyqtyq referendýmǵa el azamattarynyń kópshiliginiń qatysýy. Memleket basshysy kezekten tys prezıdent saılaýyn bıyl ótkizý jóninde sheshim qabyldady. Aldaǵy saılaýdy Qazaqstan tarıhyndaǵy jańa sapaly kezeńniń bastaýy retinde qabyldaımyn. Bul - ádiletti qoǵam qurý jolyndaǵy mańyzdy qadam. Óz kezeginde, Qasym-Jomart Toqaev saılaý naýqanynyń qatań zań sheńberinde ótetindigine, otandyq jáne halyqaralyq baıqaýshylardyń qatysatyndyǵyna kepildik berdi. Sondyqtan barsha halqymyzdy prezıdent saılaýyna qatysýǵa shaqyramyn», - deıdi zań ǵylymdarynyń kandıdaty.