Zańǵar Nurlanuly Eýropa tennısi reıtınginde kósh bastady
NUR-SULTAN. QazAqparat - Tennis Europe (TE) uıymy aldaǵy jyly kúzde Monte-Karloda ótetin Junior Masters týrnırine oraı jańartylǵan reıtıngini jarııa etti, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Zańǵar Nurlanuly 14 jasqa deıingiler arasynda 255 upaımen kósh bastady.
Z.Nurlanuly 2021 jyly TE serııasy boıynsha ótken alty jarysqa qatysyp, jekeleı synda sonyń ekeýinde jeńimpaz atandy.
Osy jastaǵylar arasynda sondaı-aq qazaqstandyqtar Demıd Gorbachev (36-oryn) pen Danıel Tazabekov (45-oryn) úzdik elýlikke kirdi.
Junior Masters - iri sporttyq is-shara, oǵan Eýropadaǵy 14 jáne 16 jasqa deıingiler arasyndaǵy eń myqty tennısshiler (8 bozbala, 8 qyz) qatysady. Kezinde osy dodada Rafael Nadal, Kım Kleısters, Aleksandr Zverev, Belında Benchıch sekildi tennısshiler chempıon atanǵan. Jarys Monte-Karlodaǵy ataqty topyraq tósenishindegi korttarda ótedi.
Eske sala keteıik, budan buryn úsh qazaqstandyq tennısshiniń jastar arasynda Aýstralııa ashyq birinshiliginde óner kórsetetinin jazǵan bolatynbyz.
