Zańǵar Nurlanuly Eýropa tennısi Masters reıtınginde kósh bastap keledi
NUR-SULTAN. QazAqparat – Tennis Europe (TE) uıymy bıyl kúzde Monte-Karloda ótetin Junior Masters týrnıri qarsańynda jańartylǵan reıtıngti jarııa etti, dep habarlaıdy QazAqparat tilshisi.
Qazaqstan tennıs federatsııasy málim etkendeı, Zańǵar Nurlanuly 14 jasqa deıingiler arasynda 355 upaımen kósh bastap keledi.
Ótken aptada Hımkıde Aleksandr Ostrovskıı atyndaǵy akademııa kortynda Z.Nurlanuly TE Super category Christmas Cup 2022 týrnırinde jartylaı fınalǵa deıin jetip, tartysty matchta bolgarııalyq Ivan Ivanovqa ese jiberdi.
Qazaqstannan TOP-100-ge sondaı-aq Demıd Gorbachev (58-oryn), Danıel Tazabekov (69) kirdi.
Junior Masters – 14-16 jastaǵy Eýropa tennısiniń úzdik segiz oıynshysy (qyzdar men uldardan) qatysa alatyn iri sporttyq shara. Jarys kúzde Monte-Karlonyń ataqty korttarynda ótedi.
Eske sala keteıik, budan buryn qazaqstandyq qos jasóspirim tennısshiniń alǵash ret Aýstralııa ashyq chempıonatynda oınaıtynyn jazǵan bolatynbyz.
