Zańǵar Nurlanuly Armenııadaǵy týrnırdiń absolıýtti chempıony atandy

ASTANA. QazAqparat – Zańǵar Nurlanuly Armenııa astanasy Erevanda 18 jasqa deıingiler arasynda ótken ITF Juniors J30 TSAGHADZOR GOLDS'S GYM CUP 1 týrnıriniń absolıýtti chempıony atandy, dep habarlaıdy QazAqparat tilshisi.

Qazaqstan tennıs federatsııasynyń baspasóz qyzmetinen málim etkenindeı, 14 jasar Zańǵar jekeleı jáne juptyq synda tamasha óner kórsetti.

Fınalda qazaqstandyq tennısshi jarystyń birinshi raketkasy, chehııalyq ıAkýb Smychekti tize búktirdi – 7:5, 6:1,

Zańǵar doda barysynda Aýstrııa jasóspirimder quramasy kóshbasshylarynyń biri Maksımılıan Heıdelmaıermen asa tartysty kezdesý ótkizdi. Úsh setke sozylǵan matchta qazaqstandyq tennısshi jeńisti julyp aldy. Sońǵy partııada qarsylasyna esh múmkindik qaldyrmady – 6:0.

Z.Nurlanuly M.Heıdelmaıermen birge juptyq synda fınalda reseılikter Maksım Kolobov – Rodıon Malmygındi utty – 6:7, 6:4, 10:6.

Bul – Zańǵar Nurlanulynyń halyqaralyq tennıs federatsııasy ótkizgen jarysta jekeleı syndaǵy ekinshi tıtýly.

Eske sala keteıik, budan buryn Novak Djokovıchtiń jetinshi ret Rolan Garros týrnıriniń fınalyna shyqqanyn jazǵan bolatynbyz.

Sondaı-aq Mıhaıl Kýkýshkın AQSh-taǵy jarystyń jartylaı fınalyna ótti.

Qazaqstannyń kishkentaı tennısshileri Azııa chempıonatynyń fınaldyq kezeńine joldama aldy.

Foto - Qazaqstan tennıs federatsııasy