Zańǵar Nurlanuly alǵash ret ITF Juniors týrnırinde chempıon atandy
Qazaqstan tennıs federatsııasynan málim etkenindeı, Zańǵar Slovakııanyń Trnava qalasynda 18 jasqa deıingi oıynshylar arasynda ótken ITF Juniors jarysynda úzdik shyqty.
Z. Nurlanuly fınalda jergilikti tennısshi Danıel Balashekti 6:4, 3:6, 6:2 esebimen tize búktirdi.
«Barlyq match óte qıyn boldy. Degenmen, jekeleı synda ITF Juniors dodasynda alǵashqy tıtýlymdy jeńip alǵanyma qýanyshtymyn. Bul – men úshin mańyzdy», - dedi Zańǵar Nurlanuly.
Jas qazaqstandyq tennısshi ótken jyldy Tennis Europe reıtıngisinde úzdik ondyqtyń ishinde aıaqtap, uzaq ýaqyt boıy chempıondyq kestede kósh bastady. Ótken jyldyń jeltoqsanynan beri Zańǵar joǵary sanatqa aýysyp, qazir ITF Juniors týrnırlerinde óner kórsetip keledi.
Eske sala keteıik, budan buryn Aýstralııa chempıonatynda Elena Rybakınanyń chempıon atana almaǵanyn jazǵan edik.
Elena Rybakına qazaqstandyq tennısshilerden alǵash ret álemde 10-orynǵa kóteriledi.
Al, Tımofeı Skatov Chılıdegi týrnırdiń fınalyna shyqty.
Novak Djokovıch bolsa, onynshy ret Aýstralııa chempıony atandy.
Foto: Qazaqstan tennıs federatsııasy
