Zańǵar Nurlanuly jasóspirimder arasynda álemdik reıtıngide 12-orynǵa kóterildi

ASTANA. KAZINFORM — Jasóspirimder arasynda jańartylǵan ITF reıtıngisinde qazaqstandyq tennısshilerdiń orny belgili boldy.

Zańǵar Nurlanuly 24-ten birden 12-orynǵa kóterilip, TOP-10-ǵa kirýge jaqyn tur.
Sondaı-aq Damır Jalǵasbaı 60-tan 31-ge, Danıel Tazabekov 94-ten 52-satyǵa jaıǵasty.
Bulardyń úsheýiniń de jasy 17-de.

Z.Nurlanuly, D. Jalǵasbaı, D. Tazabekov 24 qańtar — 1 aqpan aralyǵynda jasóspirimder arasynda ótetin Aýstralııa ashyq chempıonatynyń negizgi kezeńinde óner kórsetedi. Zańǵar onda 8-raketka retinde tirkelgen.

Aýstralııa ashyq chempıonatyna deıin úsh jas qazaqstandyq tennısshi sol eldegi ITF J300 TRARALGON týrnırinde oınaıdy. 

Eske sala keteıik, budan buryn ıÝlııa Pýtıntsevanyń Brısben týrnıriniń ekinshi aınalymyna shyqqanyn jazǵan edik. 

Anna Danılına Aýstralııadaǵy jarystyń shırek fınalyna shyqty.