Zańǵar Nurlanuly jasóspirimder arasynda álemdegi úzdik 25 tennısshiniń qataryna kirdi

ASTANA. KAZINFORM — Halyqaralyq tennıs federatsııasy (ITF) jasóspirimder arasynda jańartylǵan reıtıngini jarııalady.

Bıyl jasóspirimder arasynda AQSh ashyq chempıonatynda azýly qarsylastaryn utyp, alǵash ret jartylaı fınalǵa deıin jetken Zańǵar Nurlanuly reıtıngide joǵarylady.

Zańǵar osyǵan deıin 54-orynda tursa, endi birden 29 satyǵa kóterilip, álemdegi úzdik 25 tennısshiniń qataryna endi. 

Taǵy bir qazaqstandyq Ámir Omarhanov 28-ornyn saqtasa, Damır Jalǵasbaı TOP-50-ge jaqyndap keledi. Ol qazir 65-satyǵa jaıǵasty.

Sondaı-aq Danıel Tazabekov 122-orynda tur. 

Eske sala keteıik, budan buryn Jibek Qulambaevanyń Qytaıdaǵy chellendjer jarysyna joldama alǵanyn jazǵan edik. 

Jibek bul týrnırde alǵashqy aınalymda álemniń 132-inshi, osy dodanyń 2-raketkasy, taıbeılik Djoanna Garlandqa tap kelip, 4:6, 1:6 esebimen jol berdi.
Báseke 1 saǵat 40 mınýtqa sozyldy.