Zańǵar Nurlanuly týǵan jerinde sheberlik saǵatyn ótkizdi
ASTANA. KAZINFORM — Álemdegi úzdik jas tennısshilerdiń biri, ITF Juniors reıtıngisinde 10-oryndaǵy Zańǵar Nurlanuly Shymkenttegi ATP Challenger 50 týrnıri qarsańynda týǵan jeri — Túrkistanda boldy.
Sapar barysynda Zańǵar jas tennısshiler úshin sheberlik saǵatyn ótkizdi: kortta balalarmen jumys istedi, kásibı keńesterimen bólisti. Sondaı-aq árqaısysyna kóńil bólip, sýretke tústi, qoltańba qaldyryp, balǵyn sportshylardyń saýaldaryna jaýap berdi.
Tennıs ortalyǵy janynda aǵash otyrǵyzý sapardyń erekshe sátine aınaldy.
Budan bólek, Zańǵar Qoja Ahmet ıAsaýı kesenesinde bolyp, óńirdiń tarıhı jáne rýhanı murasyna qurmet kórsetti.
Sapar Túrkistan oblysynyń ákimi Nuralhan Kósherovpen kezdesýmen támamdaldy, onyń barysynda tennısti damytý jáne óńirde jas sportshylardy qoldaý máseleleri talqylandy.
— Men balalarmen suhbat quryp, olardyń shynaıy áseri men tennıske degen qyzyǵýshylyǵyn sezip-bilgenime óte qýanyshtymyn. Túrkistanda, úıde únemi bola bermeımin, sondyqtan mundaı sátter erekshe ystyq. Bul maǵan qosymsha kúsh berip, Shymkenttegi týrnır aldynda shabyt ústeıdi, — dep atap ótti Zańǵar Nurlanuly.
Eske sala keteıik, budan buryn tennısten Qazaqstan quramasynyń álemdik reıtıngide 7-orynǵa kóterilgenin jazǵan bolatynbyz.
Sondaı-aq Beıbit Juqaev Ońtústik Koreıadaǵy týrnırde bastapqy qarsylasyn kambekpen jeńdi.