Zańǵar Nurlanuly «Rolan Garros» týrnıriniń 1/8 fınalyna shyqty
ASTANA. KAZINFORM – 17 jastaǵy qazaqstandyq tennısshi Zańǵar Nurlanuly jasóspirimder arasyndaǵy Frantsııa ashyq chempıonatynyń ekinshi aınalymynda senimdi jeńiske jetti.
Jarystyń 8-shi nómirli oıynshysy bolyp tirkelgen otandasymyz amerıkandyq Agassı Rasherdi (ITF jasóspirimder reıtınginde 94-oryn) eki sette tas-talqan etti – 6:2, 6:1. Kezdesý bar-joǵy 1 saǵat 6 mınýtqa sozyldy, bul ýaqytta Nurlanuly korttaǵy jaǵdaıdy tolyqtaı óz baqylaýynda ustady.
Osy tabysynyń arqasynda Zańǵar Parıjdegi bedeldi Úlken dýlyǵa týrnıriniń 1/8 fınalyna joldama aldy. Shırek fınal joldamasy úshin ol ıAnnık Alvares (Pýerto-Rıko) – Leonardo Shtork Franka (Brazılııa) teketiresiniń jeńimpazymen sheberlik baıqasady.
Aıta ketelik Bıbisara Asaýbaeva Norway Chess Women-de taǵy kóshbasshy bolǵan edi.
