Zańǵar Nurlanuly «Rolan Garros» týrnırin jeńispen bastady
ASTANA. KAZINFORM — 17 jasar qazaqstandyq tennısshi Zańǵar Nurlanuly jasóspirimder arasyndaǵy Frantsııa ashyq chempıonatynyń alǵashqy aınalymynan súrinbeı ótti, dep habarlaıdy QTF baspasóz qyzmeti.
Starttyq matchta otandasymyz ulybrıtanııalyq Mark Chebanmen (ITF jasóspirimder reıtınginde 36-oryn) sheberlik baıqasty. Kezdesý barysyn tolyqtaı baqylaýda ustaǵan Zańǵar 6:3, 6:4 esebimen eki sette senimdi jeńiske jetti. Korttaǵy tartysty báseke 1 saǵat 37 mınýtqa sozyldy.
Osy tabysynyń arqasynda Nurlanuly Parıjdegi Úlken dýlyǵa týrnıriniń 1/16 fınalyna joldama aldy.
Jasóspirimder arasyndaǵy dodanyń kelesi kezeńinde qazaqstandyq tennısshi Motoharý Abe (Japonııa) — Agassı Rasher (AQSh) matchynyń jeńimpazymen kezdesedi.
Budan buryn juptyq synda Qazaqstannyń birinshi raketkasy Anna Danılına Frantsııa ashyq chempıonatyndaǵy jolyn sátti bastaǵanyn jazǵanbyz.
