Zańǵar Nurlanuly qazaqstandyqtardan alǵash ret Aýstralııadaǵy týrnırdiń shırek fınalyna shyqty

ASTANA. KAZINFORM – Qazaqstandyq tennısshi, 17 jastaǵy Zańǵar Nurlanuly Aýstralııanyń Tralalgon qalasynda jasóspirimder arasynda ótip jatqan J300 týrnırinde tarıhı nátıjege qol jetkizdi.

Jasóspirimder arasynda álemdik reıtıngide 12-orynda turǵan, osy jarystyń 6-raketkasy bolyp tirkelgen Zańǵar Nurlanuly aldymen reseılik Marat Salbıevti oısyrata utty – 6:0, 6:3.

Sodan keıin germanııalyq Olıver Madjanjıkten aılasyn asyrdy – 6:4, 6:1.
Zańǵar úshinshi aınalymda jasóspirimder arasynda álemniń 21-raketkasy, amerıkalyq Gavın Gýdty qapy qaldyrdy – 7:6 (7:5), 6:1.

Osylaısha, Zańǵar Nurlanuly qazaqstandyqtar arasynan alǵash ret atalmysh dodanyń shırek fınalyna shyqty. 

Qazaqstandyq jas sportshy jartylaı fınalǵa shyǵý úshin jasóspirimder arasynda álemniń 5-raketkasy, brazılııalyq Lýıs Gýto Mıgýelmen talasady. 

Tralalgon jarysy jasóspirimder arasynda Aýstralııa ashyq chempıonaty qarsańynda ótip jatyr. 

Eske sala keteıik, budan buryn Aýstralııa ashyq chempıonatynda ıÝlııa Pýtıntsevanyń sensatsııa jasap, jeńiske jetkenin jazǵan edik.