Zańǵar Nurlanuly Germanııadaǵy jasóspirimder jarysyn jeńispen bastady
ASTANA. KAZINFORM — Germanııanyń Offenbah qalasynda jasóspirimder arasynda sýper sanattaǵy ITF Juniors J500 týrnıri ótip jatyr.
ITF Juniors reıtıngisinde 8-orynda turǵan qazaqstandyq, 17 jastaǵy Zańǵar Nurlanuly atalmysh jarystyń 1-raketkasy bolyp tirkelgen.
Túrkistan tennıs mektebiniń túlegi alǵashqy aınalymda jasóspirimder reıtıngisinde 149-oryndaǵy argentınalyq Tomas Reniń mysyn basty.
Birinshi partııada Zańǵar 6:4 esebimen basym tústi. Ekinshi sette qarqyn qosty — 6:2.
Zańǵar Nurlanuly ekinshi aınalymda ITF Juniors reıtıngisinde 267-satydaǵy chehııalyq ıAkýb Shmeıtskımen kezdesedi.
Eske sala keteıik, budan buryn Elena Rybakınanyń WTA chempıondyq kestesinde kósh bastap kele jatqanyn jazǵan edik.
Sondaı-aq Rım týrnırinde qazaqstandyq tennısshiler ótken jylǵy kórsetkishterin jaqsarta ala ma, bul týraly habarlandy.
