Zańǵar Nurlanuly Germanııadaǵy týrnırdiń shırek fınalyna shyqty
ASTANA. KAZINFORM — Qazaqstandyq tennısshi, 17 jastaǵy Zańǵar Nurlanuly Germanııanyń Offenbah qalasynda jasóspirimder arasynda ótip jatqan sýper sanattaǵy ITF Juniors J500 týrnıriniń shırek fınalyna joldama addy.
Jarystyń 1-raketkasy bolyp tirkelgen Zańǵar úshinshi aınalymda Latvııa ókili, jasóspirimder reıtıngisinde 50-orynda turǵan Rıhards Neımanıstan aılasyn asyrdy.
Eki saǵatqa sozylǵan tartysty básekede jasóspirimder arasynda álemniń 7-raketkasy Z.Nurlanuly 6:3, 7:6 (8:6) esebimen jeńiske jetti.
Ózara kezdesýde esep - 3:0, qazaqstandyq tennısshiniń paıdasynda.
Zańǵar Nurlanuly jartylaı fınalǵa shyǵý úshin ıspanııalyq Tıto Chavespen (24 ITF Juniors) talasady. Match 8 mamyr kúni ótedi.
Eske sala keteıik, budan buryn Aleksandr Shevchenkonyń Rım masters týrnırinde azýly qarsylasyn utqanyn jazǵan edik.
Sondaı-aq Rım týrnırinde Elena Rybakınanyń qashan oınaıtyny belgili boldy.
