Zańǵar Nurlanuly Germanııadaǵy týrnırde jeńisti jolyn jalǵastyrdy
ASTANA. KAZINFORM — Qazaqstandyq tennısshi, 17 jastaǵy Zańǵar Nurlanuly Germanııanyń Offenbah qalasynda jasóspirimder arasynda ótip jatqan sýper sanattaǵy ITF Juniors J500 týrnıriniń úshinshi aınalymyna shyqty.
Zańǵar apta basynda jańartylǵan ITF Juniors reıtıngisinde sporttyq jolynda alǵash ret 7-orynǵa kóterilgen edi.
Atalǵan jarystyń 1-raketkasy bolyp tirkelgen qazaqstandyq tennısshi ekinshi aınalymda chehııalyq ıAkýb Shmeıtskıdi aıqyn basymdylyqpen utty – 6:2, 6:1.
Zańǵar Nurlanuly shırek fınalǵa shyǵý úshin ITF Juniors reıtıngisinde 50-oryndaǵy latvııalyq Rıhards Neımanıspen talasady. Match 7 mamyr kúni ortalyq kortta ótedi.
Taǵy bir qazaqstandyq Danıel Tazabekov (77 ITF Juniors) alǵashqy aınalymda germanııalyq Nıls Mertgensten (501 ITF Juniors) aılasyn asyrǵan edi – 7:6 (7:5), 6:2.
Danıel ekinshi kezdesýinde aýstrııalyq Tılo Bermanǵa jol berdi – 4:6, 3:6.
Eske sala keteıik, budan buryn Zańǵar Nurlanulynyń Germanııadaǵy jasóspirimder jarysyn jeńispen bastaǵanyn jazǵan edik.
