Zańǵar Nurlanuly alǵash ret Almatydaǵy ATP týrnırinde baq synaıdy
ASTANA. KAZINFORM — Qazaqstandyq jas tennısshi Zańǵar Nurlanuly 19-25 qazan aralyǵynda ótetin Almaty Open ATP 250 týrnırine shaqyrtý aldy.
Bul Zańǵardyń osyndaı deńgeıdegi alǵashqy jarysy bolmaq. Osyǵan oraı 18 jastaǵy tennısshi óz oı-pikirin bildirdi.
— ATP týrnırine shaqyrtý alý — men úshin úlken qurmet jáne sporttyq jolymdaǵy mańyzdy qadam. Mundaı múmkindikke ıe bolǵanyma qýanyshtymyn, osy oraıda meni qoldaǵandardyń bárine alǵysymdy bildiremin. Bul týrnırdiń men úshin orny erekshe. Óıtkeni ol ózim týyp-ósken Almaty qalasynda ótkeli jatyr, — dedi Zańǵar Nurlanuly.
Tennısshi sondaı-aq osyndaı múmkindik jasap, senim artqany úshin Qazaqstan tennıs federatsııasynyń prezıdenti Bolat Ótemuratovqa alǵysyn aıtty.
— Árıne, meni alda myqty qarsylastar men úlken synaq kútip turǵanyn túsinemin. Biraq men ár upaı úshin kúresip, bar kúshimdi salyp, úzdik ónerimdi kórsetýge daıynmyn. Bul men úshin alǵashqy ATP týrnıri ǵana emes. Sonymen qatar tájirıbe jınaqtap, óz sheberligimdi baıqap kórip, kásibı mansabymda alǵa bir qadam jasaýǵa berilgen múmkindik dep bilemin, — dep qosty Zańǵar.
Eske sala keteıik, budan buryn Anna Danılınanyń Qytaıdaǵy jarysta shırek fınalǵa shyqqanyn jazǵan edik.
Sondaı-aq Qytaıdaǵy Ýhan týrnırinde Rybakınanyń reıtıngidegi basty qarsylasy jeńilip qaldy.
Aleksandr Shevchenko Qytaıdaǵy týrnırdiń shırek fınalyna shyqty.
