Zańǵar Nurlanuly álemdik reıtıngide TOP-10-ǵa kirdi

ASTANA. KAZINFORM – 17 jastaǵy Zańǵar Nurlanuly jasóspirimder arasynda ITF Juniors álemdik reıtıngisindegi jaǵdaıyn jaqsartty.

Aýstralııa ashyq chempıonatynda jasóspirimder arasynda qazaqstandyqtardan alǵash ret jartylaı fınalǵa shyqqan Z.Nurlanuly reıtıngide 12-den 9-orynǵa kóterildi. 

Osylaısha, Zańǵar álemdegi úzdik 10 tennısshiniń qataryna kirdi. 

Ótken jyly Zańǵar Nurlanuly AQSh ashyq chempıonatynyń da jartylaı fınalyna deıin jetken bolatyn. Jasóspirimder arasynda eki ret «Úlken dýlyǵa» týrnıriniń jartylaı fınalyna Qazaqstannan basqa eshkim shyqqan emes.

Sóıtip, WTA, ATP jáne ITF Juniors reıtıngisinde Qazaqstannyń úsh birdeı ókili TOP-10-ǵa endi.

Elena Rybakına úshinshi, Aleksandr Býblık 10-ynshy, al Zańǵar 9-satyda tur. 

Eske sala keteıik, budan buryn Karlos Alkarastyń barlyq «Úlken dýlyǵa» týrnırin utqan eń jas tennısshi atanǵanyn jazǵan edik.

Sondaı-aq qazaqstandyq tennısshiler Aýstralııadaǵy týrnırden keıin reıtıngidegi oryndaryn jaqsartty.

Elena Rybakına qysqa merzimde tabys tabý jóninen rekord ornatty.