Zańǵar Nurlanuly álemdik reıtıngide rekordtyq kórsetkishke qol jetkizdi
ASTANA. KAZINFORM – Jasóspirimder arasynda jańartylǵan ITF reıtıngisinde 17 jastaǵy Zańǵar Nurlanuly 8-orynǵa kóterildi.
Qazaqstan tennısiniń jas juldyzy buǵan deıin 9-satyda turǵan edi. Osylaısha Zańǵar óziniń rekordtyq kórsetkishin jańartty.
Eresekter arasynda ATP reıtıngisinde 1 634-orynda turǵan Zańǵar Nurlanuly Shymkent qalasynda qos birdeı chellendjer jarysynda baq synap kórdi.
Qazaqstandyq tennısshi endi jasóspirimder arasynda Rolan Garros týrnırine tyńǵylyqty daıyndalady.
Eske sala keteıik, budan buryn Rolan Garros týrnırine Qazaqstannan kimder qatysatynyn jazǵan bolatynbyz.
Sondaı-aq qazaqstandyq tennısshi Anna Danılınanyń Frantsııadaǵy týrnırdiń shırek fınalyna shyqqanyn habarlaǵanbyz.
