Zańǵa engizilgen tolyqtyrý: Memorganǵa qyzmetshiler kelisimshartpen keledi, rotatsııa tetigi jetildirildi
Aıta keteıik, bıyl 9 naýryzda Senat depýtattary atalǵan zańdy eki oqylymda qarap, qabyldaǵan edi. Bul qujat memlekettik saıası qyzmetshilerdiń jaýapkershiligin kúsheıtý jáne sybaılas jemqorlyq qylmystarynyń aldyn alýǵa qatysty normalardy qamtyǵan. Sondaı-aq zańda memlekettik organdarǵa kelisimsharttyq qyzmetshilerdi jumyldyrýǵa jáne rotatsııalaý tetigin jetildirýge qatysty erejeler de bar.
Bul zańdy talqylaý kezinde QR Memlekettik qyzmet isteri agenttiginiń tóraǵasy Darhan Jazyqbaev elimizde memlekettik organ kelisimshart boıynsha tartatyn kelisimsharttyq qyzmetshiler ınstıtýty zańnamalyq turǵyda bekitiletinin aıtty.
Memlekettik basqarýdy damytýdyń 2030 jylǵa deıingi tujyrymdamasynda memlekettik apparat shtatyn ońtaılandyrǵannan keıin, kelisimsharttyq qyzmetshiler ınstıtýtyn engizý mindeti qoıylǵan.
«Olar memlekettik qyzmetshi sanatyna jatpaıdy. Bul salalyq jobalardy iske asyrý kezeńine arnaýly bilimi bar kásibı mamandardy tartýǵa múmkindik beredi. Kelisimshart merzimi bir jyldan aspaıdy. Kelisimsharttyq qyzmetshilerge qatysty naqty ereje men tártip tıisti Úkimet qaýlysynda belgilenedi», - dedi agenttik basshysy.
Sonymen qatar, elimizde memlekettik qyzmetshilerdi rotatsııalaýdy júrgizý kezinde turǵyn úıdi jaldaý maqsatynda rotatsııalyq tólemder engizilmek.
«Elimizde memlekettik qyzmetshilerdiń rotatsııasy engizilgen. Onyń maqsaty – óńirler arasynda tájirıbe almasý, qyzmetshiniń tájirıbesin jan-jaqty jetildirý, sybaılas jemqorlyqqa toqsqaýyl qoıý. Qoldanystaǵy zańnamaǵa sáıkes, ózge óńirge rotatsııalanatyn qyzmetshige ýaqytsha turǵyn úı berilýi tıis. Alaıda qyzmettik páterler jetispegennen keıin, rotatsııalanǵan qyzmetshiler óz qarajatyna páter jaldaýǵa májbúr. Bul kóptegen qyzmetshilerdiń rotatsııadan bas tartýyna alyp keledi. Rotatsııalyq tólemdi engizý osy máseleni sheshýshe baǵyttalyp otyr», - dedi D. Jazyqbaev.
Senat tóraǵasy Máýlen Áshimbaev memlekettik organdarda óńirler men ortalyq arasyndaǵy kadrlyq rotatsııany qamtamasyz etý kerek ekenin aıtty.
«Bul rette óńirlerdiń arasyndaǵy kadrlyq rotatsııany qamtamasyz etýdiń de mańyzy zor. Mysaly, batystaǵy azamattar shyǵysqa, soltústiktegiler ońtústikke baryp jumys isteıtindeı múmkindikter bolýy qajet. Sondyqtan azamattarymyzdyń ár óńirde jumys isteýine jol ashyp berýimiz kerek. Bul elimizdi birtutas memleket retinde damytýǵa óz úlesin qosatyn mańyzdy qadam ekeni sózsiz», – dedi Senat tóraǵasy.
Budan bólek, qujatty Senatta qaraý kezinde Qazaqstanda saıası memqyzmetshiler «senimdi joǵaltý» sebebimen jumystan bosatylýy múmkin ekeni belgili boldy.
«Zańǵa sáıkes, saıası qyzmetshi saıası mindetterdi iske asyrýǵa jaýapty qyzmetshi bolyp sanalady. ıAǵnı, saıası qyzmetshige júktelgen jaýapkershilik úlken. Osyǵan oraı, Prezıdent Ákimshiliginiń tapsyrmasy boıynsha óz ókilettigin tıisinshe oryndamaǵan saıası qyzmetshini «senim joǵaltýyna» oraı jumystan bosatý ınstıtýty engiziledi. Mundaı bosatý týraly sheshimin tek Memleket basshysy ǵana qabyldaıdy», - dedi QR Memlekettik qyzmet isteri agenttiginiń tóraǵasy Darhan Jazyqbaev.
Munymen qosa, QR Memlekettik qyzmet isteri agenttigine memlekettik qyzmet pen kadr saıasatynyń tıimdiligin arttyrýǵa baǵyttalǵan birqatar ókilettik berilmek.
«Memlekettik organdarda basshylar men oryndaýshylar sanyn retteý eskerilgen. Qoldanystaǵy zańǵa sáıkes, ár memlekettik organ shtat kestesin ózderi bekitedi. Alaıda basshylar men oryndaýshylar sany rettelmegen. Osy oraıda bir basshyǵa keıde bir nemese eki oryndaýshydan ǵana keletin jaǵdaılar kezdesip jatady. Al keıbir organdarda basshylar sany oryndaýshylardan da asyp túsedi. Bul turǵyda osyndaı olqylyqty boldyrmaý maqsatynda basshylar men oryndaýshylar sanyn agenttik buıryǵymen retteý usynylyp otyr», - D. Jazyqbaev.
Prezıdent memlekettik qyzmet máselelerine qatysty zańǵa qol qoıdy.
