Zańdy tulǵalardy tirkeýdi «Azamattarǵa arnalǵan úkimet» júrgizedi
«Bıznes-ortany damytý jáne saýda qyzmetin retteý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» tıisti Zań aǵymdaǵy jyldyń 2 sáýirinde qabyldanǵan bolatyn. Zańǵa sáıkes, zańdy tulǵalardy memlekettik tirkeý jáne kommertsııalyq uıymdardyń fılıaldary men ókildikterin eseptik tirkeý (7 uıymdyq-quqyqtyq nysan) boıynsha fýnktsııalar QR Ádilet mınıstrliginiń qaramaǵynan «Azamattarǵa arnalǵan úkimet» memlekettik korporatsııasyna 1 shildeden bastap beriledi.
«Shaǵyn kásipkerlik sýbektisine jatatyn zańdy tulǵalardy alǵashqy tirkeý tirkeýshi organnyń qatysýynsyz egov.kz elektrondyq úkimet portalynda elektrondyq formatta júzege asyrylady. Tirkeý is-áreketiniń qalǵan túrleri, ıaǵnı aktsıonerlik qoǵamdardy, memlekettik kásiporyndardy, barlyq kommertsııalyq uıymdardy memlekettik qaıta tirkeý, taratý, fılıaldar men ókildikterdi eseptik (qaıta tirkeý) tirkeý qyzmetteri qujattardyń qoldanystaǵy zańnamaǵa sáıkestigi týraly quqyqtyq saraptama júrgizýdi talap etedi», delingen «Azamattarǵa arnalǵan úkimet» KE AQ baspasóz qyzmeti málimetinde.
Osy oraıda, «Azamattarǵa arnalǵan úkimet» memlekettik korporatsııasynyń zańgerlik bilimi bar qyzmetkerleri arnaıy oqytýdan ótti. Qyzmet iske qosylǵannan bastap zańdy tulǵalardy tirkeýmen barlyǵy 295 adam aınalysady, olardyń 95-i qalalyq fılıaldardyń, 166-sy aýdandyq bólimderdiń jáne 34-i fılıal bólimsheleriniń qyzmetin úılestiriretin bolady.
Aıta ketý kerek, fýnktsııalardy memlekettik korporatsııanyń quzyryna berý respýblıkalyq bıýdjetten qarjylandyrylmaı júzege asyrylady.