Zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri zańmen rettelmek
ASTANA. 20 aqpan. QazAqparat - Erteń, 21 aqpan kúni, Májilistiń Zańnama jáne sot-quqyqtyq reforma komıtetiniń uıymdastyrýymen «Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeý
jáne fılıaldar men ókildikterdi eseptik tirkeý máseleleri boıynsha ózgerister men tolyqtyrýlar engizý týraly» zań jobasynyń tanystyrylymy ótedi.
Zań jobasynyń maqsaty týraly Ádilet mınıstriniń orynbasary Ámirhan Amanbaev baıandama jasaıdy dep kútilýde.
Zań jobasy boıynsha qurylǵan jumys tobynyń jetekshisi - depýtat Shalataı Myrzahmetov.
Bul zań jobasy Qazaqstan Prezıdentiniń 2009 jylǵy 24 tamyzdaǵy Jarlyǵymen bekitilgen Qazaqstan Respýblıkasynyń 2010 jyldan 2020 jylǵa deıingi kezeńge arnalǵan quqyqtyq saıasat tujyrymdamasynyń erejelerin iske asyrý maqsatynda ázirlengen.
Qazaqstan Respýblıkasy Quqyqtyq saıasat tujyrymdamasynyń 2.2-tarmaǵynda, tirkeý, ruqsat berý-lıtsenzııalaý rásimderin jeńildetý, kommertsııalyq jáne kommertsııalyq emes uıymdardyń qyzmetine memlekettik organdardyń zańsyz aralasýyna tosqaýyl qoıý jónindegi jumystardy jalǵastyrý qajettiligi belgilengen.
Kórsetilgen mindetterdi iske asyrý jolyndaǵy baǵyttardyń biri - zańdy tulǵalardy tirkeý, fılıaldar men ókildikterdi eseptik tirkeý máseleleri jónindegi Qazaqstan Respýblıkasynyń qoldanystaǵy zańnamasyn jetildirý bolyp tabylady.
