Zańdy tulǵalardy bankrot dep taný mehanızmi problemalyq qaryzy 4,9 mln teńgeden asqandarǵa da qoldanylady

ASTANA. QazAqparat – Problemalyq qaryzy 4,9 mln teńgeden asqan jeke tulǵalarǵa zańdy tulǵalardy bankrot dep taný mehanızmi qoldanylady. Bul jaıynda Qarjy vıtse-mınıstri Erjan Birjanov ortalyq kommýnıkatsııalar qyzmetinde ótken brıfıngide aıtty, dep habarlaıdy QazAqparat tilshisi.

Problemalyq qaryzy 4,9 mln teńgeden asatyn azamattar sot arqyly bankrottyq rásimdeı alady. Ol úshin aryzdy sot organdaryna beredi. Bul rásim barysynda boryshkerlerdiń múlki satýǵa jatady. Odan túsken qarajat belgilengen kezekpen kredıtorlar aldyndaǵy qaryzdardy óteýge jumsalady. Qazirgi tańda mundaı protsedýralar zańdy tulǵalarǵa qoldanylyp júr. Sondyqtan, osy mehanızmdi jeke tulǵalarǵa da qoldansaq degen oıymyz bar. Al, boryshkerdiń atyndaǵy jalǵyz baspanasy kredıtke kepil retinde qoıylmaǵan bolsa, qaryz alýshy ony sot arqyly bankrottyq rásimdeý kezinde qaıtaryp alýǵa quqyly. Jalǵyz baspana kepilge qoıylmaǵan bolsa, kredıtorlar ony talap ete almaıdy. Qalǵan ótelmegen soma esepten shyǵarylady

, - dedi vıtse-mınıstr.

Onyń sózine qaraǵanda, atalǵan mehanızm qarjy mamandaryna tanys bolǵandyqtan, jeke tulǵalar úshin de jeńil ótýi kerek.

Al, basqa adamdardyń ómiri men densaýlyǵyna keltirilgen zııan, alıment boıynsha qalyptasqan qaryzdar bankrottyq rásimdelggennen keıin de esepten shyǵarylmaıdy. Bul qaryzdar mindetti túrde óndiriledi. Sot arqyly bankrottyqty qarjy menedjerleri júrgize alady. Onyń ishinde zańdy tulǵalar men jeke kásipkerlerdiń bankrottyǵyn rásimdep júrgen ákimshiler, kásibı býhgalterler, zań konsýltanttary jáne aýdıtorlar bar

, - dedi Erjan Birjanov.