Zańdy moıyndaǵysy kelmeıtin azamattar az emes - Toqaev

NUR-SULTAN. QazAqparat – Qoǵamdaǵy eń mańyzdy másele – zań ústemdigin qamtamasyz etý. Bul týraly «Qazaqstan» telearnasyna suhbat bergen QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Qoǵamdaǵy eń mańyzdy másele – zań ústemdigin qamtamasyz etý. Ókinishke qaraı, zańdy moıyndaǵysy kelmeıtin azamattar az emes. Basqasha aıtsaq, quqyqtyq nıgılızm beleń alýda. Aǵalarymyz «Tártipsiz el bolmaıdy» dep baıaǵyda aıtqan bolatyn. Meniń ustanymym: qoǵamda zań men tártip bolsa ǵana, el ishinde úılesim, beıbit ómir bolady. Zań – kez-kelgen órkenıetti qoǵamnyń basty ólshemi. Zań ústemdik qurǵanda ǵana ádiletti qoǵam qalyptasady. Biz mindetti túrde buǵan qol jetkizýimiz kerek. Bul meniń naqty ustanymym»,- dedi Qasym-Jomart Toqaev.