Zańdy buzǵan ShQO balyqshylary 6 mln teńge aıyppul tóleıdi
ÓSKEMEN. QazAqparat – Shyǵys Qazaqstan oblysynda bir jarym aıǵa sozylǵan «Ýyldyryq» jedel aldyn alý sharasy barysynda 257 quqyq buzýshylyq anyqtaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, Kúrshim aýdandyq polıtsııa bóliminiń qyzmetkerleri Jolnuskaý aýylynyń mańynda zańsyz balyq aýlaǵan er adamdy ustady. Anyqtalǵandaı, tıisti qujattary bolmaǵan azamat ÝAZ avtokóligimen jalpy salmaǵy 130 keliden asatyn shortan, sazan jáne kókserke balyqtaryn tasymaldaǵan. Tártip saqshylary odan eki dóńgelekti tirkemeni, qaıyq pen sıntetıkalyq tordy tárkiledi. Qazirgi ýaqytta QR QK-niń 335-babymen tergeý amaldary júrgizilýde.
«Jalpy «Ýyldyryq» jedel aldyn alý sharasy kezinde 6 sotqa deıingi tergeý amaldary bastaldy. Sondaı-aq balyq aýlaý erejelerin buzǵan 224 adamǵa qatysty QR ÁQBtK-niń 383-babyna sáıkes ákimshilik hattama toltyrylyp, 6 mıllıon teńgeden astam aıyppul salyndy», - deıdi departament bastyǵy Saǵat Mádıev.
Esterińizge sala ketsek, óńirde 15 sáýir men 31 mamyr aralyǵynda zańsyz balyq aýlaıtyndardyń jolyn kesý maqsatynda «Ýyldyryq» sharasy ótkizilgen bolatyn.
