Zańdylyq sheneýnikterden bastalýy tıis: Bas prokýratýrada qandaı másele kóterildi
ASTANA. KAZINFORM — Bas prokýratýrada «Zań men tártip» qaǵıdatyn júzege asyrý, memlekettik qyzmetshilerdiń jaýapkershiligi jáne kıberqylmysqa qarsy kúres máseleleri talqylandy. Bul týraly Úkimettiń baspasóz qyzmeti habarlady.
Bas prokýratýrada «Zań men tártip» prıntsıpiniń júzege asyrylýy talqylandy
Premer-mınıstrdiń birinshi orynbasary Nurlybek Nálibaev Bas prokýratýrada ótken «Qazirgi quqyqtyq júıedegi «Zań men tártip» konstıtýtsııalyq qaǵıdaty: syn-qaterler, ınnovatsııalar jáne sheshý joldary» atty halyqaralyq ǵylymı-tájirıbelik konferentsııasynyń ashylýyna qatysty.
Nurlybek Nálibaev óz sózinde Memleket basshysynyń «Zań men tártip» qaǵıdatyn memlekettik saıasattyń negizgi basymdyqtarynyń biri retinde aıqyndaǵanyn jáne zańdylyq memlekettik apparattan bastalýy tıis ekenin atap ótti.
Kıberqylmys, ınternet alaıaqtyq sekildi jańa syn-qaterlerge der kezinde nazar aýdarý mańyzdy ekenin, tehnologııalar sheneýnikterdiń jeke jaýapkershiligin almastyra almaıtynyn aıtty.
Quqyq buzýshylyqtyń profılaktıkasy, azamattardyń quqyqtyq mádenıetin arttyrý negizgi basymdyq dep ataldy. Jumys tıimdiliginiń basty kórsetkishi adamdardyń ómirindegi naqty ózgerister bolýy tıis.
Konferentsııa qorytyndysy boıynsha qaýipsizdikti nyǵaıtý, memlekettik basqarýdy jetildirý boıynsha naqty praktıkalyq usynystar ázirlenedi.
