Zańdy tekseretin naqty ádisnama joq – mınıstr

Elimizde zańnamalyq jáne zańǵa táýeldi aktilerdegi normalardyń quqyqtyq reglamenttelý deńgeıin anyqtaýda qıyndyqtar bar. Bul týraly Ádilet mınıstri Azamat Esqaraev málim etti, dep habarlaıdy Kazinform.

«Zańdardy tekserýge qatysty taǵy bir ózekti másele — naqty ádisnamalyq negizdiń joqtyǵy. Zańnamalyq jáne zańǵa táýeldi aktilerdegi normalardyń quqyqtyq reglamenttelý deńgeıin anyqtaýda qıyndyqtar bar. Bul másele ǵylymı jáne saraptamalyq qoǵamdastyqpen jan-jaqty talqylaýdy qajet etedi dep sanaımyn» — dedi Azamat Esqaraev elordada ótip jatqan «Zań shyǵarý protsesin jetildirý» atty dóńgelek ústelde.

Onyń aıtýynsha, quqyqtaný salasynda mamandanǵan sarapshylardyń kóp bolýy máseleni sheshýge yqpal etedi.

«Bul pikirtalas sheńberin keńeıtýge jáne praktıkalyq tásil men quqyqtyq ǵylymdy damytý problemalaryn sheshýge jaǵdaı jasaıdy. Sonymen qatar jan-jaqty kózqaras arqyly ıntegratsııalanýdy qamtamasyz etýge múmkindik beredi. Búgingi dıalog normashyǵarmashylyqtyń basty problemalary boıynsha jumys sektsııalaryna naqty usynym ázirleýge múmkindik beredi», — deıdi vedomstvo basshysy.