Zańdy óreskel buzǵan sot oryndaýshylar qylmystyq jaýapkershilikke tartylýy múmkin

ASTANA. KAZINFORM — Májilis depýtat Abzal Quspan sot oryndaýshylardyń qyzmetin jetildirýge arnalǵan Úkimet saǵatynda atqarýshylyq is týraly zańnamany óreskel buzǵan sot oryndaýshylardy qylmystyq jaýapkershilikke tartýdy usyndy.

— Qylmystyq kodekste 251-bap bar. Qylmystyq jaýapkershilik týyndaý úshin jábirlenýshige eleýli zalal kelýi kerek. Sonda ǵana sot oryndaýshysyn qylmystyq jaýapkershilikke tartýǵa bolady. Osyny advokattardyń jaýapkershiligi sııaqty formaldi quramǵa aýystyrý týraly pikirińizdi bilsem dep edim. ıAǵnı, atqarýshylyq is týraly zań talaptar óreskel buzǵan jaǵdaıda qylmystyq jaýapkershilik týyndaý kerek, — dedi dep surady depýtat Іshki ister mınıstriniń orynbasary Sanjar Ádilovten.

ІІM ókili bul usynysty vedomstvoaralyq deńgeıde pysyqtaý kerektigin aıtty.

— Qylmystyq jaýapkershilik artýǵa kelsek, bul máseleni vedomstvoaralyq jumys tobynda taǵy da talqylaý kerek dep oılaımyz. Biraq ár qylmystyń zalaly bolý kerek. Keltirgen zııany, zalaly bolsa, zańdy mindetti túrde ózgertip, túzetýlerdiń qarastyrý kerek. Ondaı jumysqa daıynbyz, — dedi Sanjar Ádilov.

Osy jıynda shaǵyn nesıesin ótemegen azamattardyń 2,5 mln qujaty jeke sot oryndaýshylardyń qolynda júrgeni málim boldy.