Zańdastyrylǵan kólik ıeleri sheteldik nómirmen júrgen kezde «Sergekke» túskeni úshin aıyppul tóleı me

ASTANA. QazAqparat – Zańdastyrylǵan kólik ıeleri sheteldik nómirmen júrgen kezde «Sergekke» túskeni úshin aıyppul tóleı me? Ákimshilik polıtsııa komıtetiniń tóraǵasy Qaısar Sultanbaevqa oratlyq kommýnıkatsııalar qyzmetinde ótken brıfıngide osyndaı suraq qoıyldy, dep habarlaıdy QazAqparat tilshisi.

«Zańdastyrylǵan kólik ıeleri sheteldik nómirmen júrgen kezde ózderine aıyppul salynbaıtynyn bilip, jol erejesin jıi buzǵan bolsa, sol kezdegi zańsyzdyqtary úshin aıyppul salasyzdar ma?», - dep surady jýrnalıst.

Qaısar Sultanbaev jol erejesiniń buzylǵanyn tirkeıtin arnaıy qurylǵylarda qalǵan málimetter árdaıym ózekti ekenin aıtady.

«Eger bizdiń jol erejesiniń buzylǵanyn tirkeıtin arnaıy qurylǵylarda zańsyzdyq tirkelgen bolsa jáne ol zań buzý áreketiniń merzimi ótip ketpegen bolsa, jaýapkershilikke tarta alamyz. Bizde ondaı baza bar. Qazir sizge ondaı zańsyzdyqtardyń naqty sanyn aıta almaımyn», - dedi komıtet tóraǵasy.