Zańdastyrylǵan 206 myń sheteldik kóliktiń «ortasha jasy» – 10-15 jyl

ASTANA. QazAqparat – Ákimshilik polıtsııa komıtetiniń tóraǵasy Qaısar Sultanbaev ortalyq kommýnıkatsııalar qyzmetinde ótken brıfıngide zańdastyrylǵan sheteldik kólikterdiń «ortasha jasy» týraly málimet berdi, dep habarlaıdy QazAqparat tilshisi.

«30 maýsymǵa deıin 206 myń sheteldik kóliktiń zańdastyrylǵanyn aıttyńyz. Bul kólikterdiń kóbi eskirgen. Jol qaýipsizdigin ýshyqtyrmaı ma? Osy kólikterdiń «ortasha jasy» neshe?» - dep surady jýrnalıst.

Qaısar Sultanbaev kóliktiń jol qaýipsizdigin ýshyqtyrý máselesi Qazaqstanda zańdastyrǵan ıesine baılanysty ekenin aıtty.

«Al, olardyń «ortasha jasyn» sizge naqty aıta almaımyn. Shyǵarylǵanyna shamamaen 10-15 jyl bolǵan», - dedi komıtet tóraǵasy.

Sondaı-aq, ol sheteldik kólikterdi zańdastyrý protsesi bastalǵannan beri elde kólik apatynan zardap shekkender azaıa bastady degen derek keltirdi.

«Bıyl kólik apatynan jaraqat alǵandar sany byltyrǵydan 1,5 myńǵa az, 17 paıyz azaıǵan. 2022 jyldyń alǵashqy alty aıynda Qazaqstan joldarynda 947 adam qaıys bolyp, 8 117 adam jaraqat alǵan edi. Al bıyl, 916 adam qaıtys bolyp, 6 762 adam jaraqattanǵan», - dedi ol.