Zańdardy qazaq tilinde durys qoldanýdy engizbekpiz – sarapshy

Elimizde zań jobalaryn qazaq tilinde durys qoldanýdyń ádisi engizilmek, dep habarlaıdy Kazinform.

«Zań jobalaryn jazýda jáne daıyndaýda qazaq termınologııasyn durys qoldaný boıynsha problema bar. Ásirese muraǵat taqyrybyna kelgende is aqsaıdy», — dedi parlamentarızm ınstıtýty ortalyǵynyń basshysy Sholpan Saımova elordada ótip jatqan «Zań shyǵarý protsesin jetildirý» atty dóńgelek ústelde.

Sarapshynyń aıtýynsha, qarapaıym azamattyń ana tilinde zańdardy oqýda qıyndyqtar bar.

«Termınder ártúrli nemese sapasyz aýdarylady. Qazir bul óte mańyzdy másele. Osy oraıda zańdardy qazaq tilinde durys qoldanýdy engizýdi usynbaqpyz», — dedi ol.

Buǵan deıin Ádilet mınıstri Azamat Esqaraev normatıvtik quqyqtyq akt jobalarynyń joǵary sapasyn jáne qoldaný praktıkasynyń mańyzy týraly baıandaǵan edi. 

Astanada «Azamattyq qoǵam men parlamentshilerdiń zań shyǵarý salasyndaǵy yntymaqtastyq formattary týraly dıalogi» atty dóńgelek ústel ótip jatyr.