Zańbuzýshylyq týraly polıtsııaǵa habar bergenderdi yntalandyrý sharasy keńeıtilýi múmkin

ASTANA. KAZINFORM – Іshki ister mınıstriniń orynbasary Igor Lepeha zań buzǵandardy polıtsııaǵa kórsetkenderdi yntalandyrý sharasy keńeıtilýi múmkin ekenin málim etti.

- Búgin ózińiz tanystyrǵan zań jobasy arqyly quqyq buzýdyń aldyn alýǵa qatysqan azamattardy yntalandyrý sharalarynyń aıasyn keńeıtpekshisizder. Bul halyq arasynda bir-birin kórsetý, quzyrly organdarǵa sóz tasý ádetin údetip jibermeı me, - dep surady jýrnalıst Májilis kýlýarynda.

Mınıstrdiń orynbasary mundaı shara ne úshin qajet ekenine toqtaldy.

- Suraǵyńyzdy osyndaı mánde bolatynyn birden túsindim. Ol qujatta biz jergilikti ákimdikterdiń jumysyn belsendi etýge baǵyttalǵan norma engizbekshimiz. Qandaı quqyq buzý faktilerin habarlaǵany úshin yntalandyrý sharasy qoldanylatynyn sol ákimdikter belgileıdi. Bul jerde eki sanat bar. Biri – bizben birge patrýlge shyǵyp, quqyq buzý faktilerin anyqtaýǵa qolǵabys etetin qoǵamdyq kómekshiler. Olar qazirdiń ózinde toqsan saıyn syıaqy túrinde yntalandyrý alyp turady. Endi quqyq buzý faktisi nemese qylmys týraly habarlaǵan tulǵalardy ákimdikter yntalandyra alady, - dedi ol.

Aıtýynsha, yntalandyrýdyń tártibin de, mólsherin de jergilikti ákimdik ózi belgileıdi.

- ıAǵnı, ákimdik máslıhat talqylaýyna shyǵaryp, solardyń kelisimi boıynsha sheshim qabyldaıdy. «Bizdiń aýdanda zańsyz qoqys tógetinder kóbeıip ketti. Solardyń áreketin habarlaǵandardy syıaqy nemese avtobýspen tegin júrý sııaqty sharamen yntalandyraıyq» dep usynys tastaı alady. Nege solaı etpeske? Onsyz da áreket ıesin anyqtaý ońaı bolatyn quqyq buzý túrleri bul sanatqa enbeıdi dep oılaımyn. Meniń paıymdaýymsha, bul júıeli túrde emes bir rettik shara bolýy kerek. Biraq, zań jobasy búgin birinshi ret talqylanyp jatyr. Sondyqtan osy bap mindetti túrde zańǵa enedi dep aıta almaımyn, -dedi Igor Lepeha.

Resmı derek boıynsha, 2024 jyldyń basynan beri moped pen elektrli samokattyń kesirinen 1,7 myń adam japa shekken.