Zań jobasynyń normalary eńbek zańnamasyn jetildirýge baǵyttalǵan
ASTANA. Qazannyń 6-sy. QazAqparat - Úkimetten Májiliske «Qazaqstan Respýblıkasynyń Eńbek kodeksine ózgerister men tolyqtyrýlar engizý týraly» zań jobasy kelip tústi,
dep habarlaıdy QazAqparat.
Qazaqstan Prezıdentiniń 2009 jylǵy tamyzdyń 24-indegi Jarlyǵymen bekitilgen Qazaqstan Respýblıkasynyń 2010 jyldan 2020 jylǵa deıingi kezeńge arnalǵan quqyqtyq saıasat tujyrymdamasynda atap kórsetilgenindeı, naryqtyq ekonomıka jaǵdaıynda, eńbek naryǵy men halyqty jumyspen qamtý problemalarynyń bolý jaǵdaıynda eńbektegi quqyqtyq qatynastar máselesi ózekti másele bolyp tabylady. Osyǵan oraı, eńbek zańnamasynyń qoldanylý praktıkasyna júıeli taldaý jasaý jáne osy saladaǵy halyqaralyq tájirıbeni eskere otyryp, ony udaıy jetildirip otyrý qajet.
Zań jobasynyń negizgi mindeti qoǵamdyq kelisimdi jáne ekonomıkalyq damýdy qamtamasyz etýge, laıyqty eńbekke zań júzinde qoldaý kórsetýdi qamtamasyz etýge baǵyttalǵan demokratııalyq, quqyqtyq jáne áleýmettik mehanızmderdi odan ári damytý maqsatynda eńbek qatynastaryn quqyqtyq retteýdi jetildirý bolyp tabylady. Zań jobasy qoǵam músheleriniń ekonomıkalyq belsendiligin yntalandyrýǵa, jumyskerlerge, beriletin ekonomıkalyq jáne áleýmettik kepildikterdi arttyrý jáne olardyń eńbek jaǵdaılaryn jaqsartý arqyly eńbek ónimdiligi men óndiris tıimdiligin, jalpy ekonomıkanyń údemeli damýyn arttyrýǵa baǵyttalǵan.
Halyqaralyq eńbek uıymy (HEU) sarapshylarynyń usynystaryn eskere otyryp, eńbek qaýipsizdigi jáne eńbekti qorǵaý boıynsha ishki baqylaýdy kúsheıtý maqsatynda óndiris qyzmetin júzege asyratyn uıymdarda eńbek qaýipsizdigi jáne eńbekti qorǵaý jónindegi komıtetter (komıssııalar) qurý usynylady.
Halyqaralyq tájirıbege súıene otyryp, eńbek salasy men bilim berý salasynyń arasynda tıimdi mehanızm qurý maqsatynda zań jobasynda kásiptik standart - ulttyq biliktilik júıesin qurýdyń negizi qalanady.
Eńbek qatynastary taraptarynyń teńgerimin qamtamasyz etý maqsatynda zań jobasy jumys berýshiler men jumyskerlerdiń respýblıkalyq birlestikterimen birlese otyryp ázirlendi.
Zań jobasynyń normalary eńbek zańnamasyn jetildirýge baǵyttalǵan. Zań jobasynda jumyskerlerdiń eńbek quqyqtarynyń buzylýynyń aldyn alatyn erejelerdi kúsheıtý, Eńbek kodeksiniń tájirıbede ár túrli túsindiriletin normalaryn jetildirý, kereǵar normalardy alyp tastaý usynylady.
