Zań jobasynyń negizi maqsaty - transferttik baǵa belgileýdi baqylaý tetigin odan ári jetildirý
ASTANA. Naýryzdyń 9-y. QazAqparat - «Transferttik baǵa belgileý týraly» zańǵa tolyqtyrýlar engizýdi kózdeıtin zań jobasyn talqylaý kezinde Májilistiń barlyq turaqty komıtetteri oń qorytyndylar berdi.
Palatanyń Qarjy jáne bıýdjet komıteti osy zań jobasy boıynsha qorytyndy shyǵardy. Zań jobasy Májilistiń jalpy otyrysynda birinshi oqylymda talqyǵa salýǵa daıyn, dep habarlaıdy QazAqparat.
Osy zań jobasynyń negizi maqsaty - transferttik baǵa belgileýdi baqylaý tetigin odan ári jetildirý.
Atalǵan zań jobasyn qaraý barysynda uzaq merzimdi mámileler boıynsha belgilenim kezeńiniń merzimderin ózgertýge, salyq salý nysandaryna jáne salyq salýǵa baılanysty salyq salý nysandaryna túzetýlerdi engizýge qatysty, sondaı-aq redaktsııalyq sıpattaǵy túzetýler qarastyrylyp otyr.
Sonymen qatar múlikti qaıtalama lızıngke berý merzimderin naqtylaý bóliginde Salyq kodeksine túzetýler engizildi.
