Zań jobasynyń maqsaty - ıpotekalyq kredıtter arqyly turǵyn úı satyp alatyn azamattardyń áleýmettik kepildikterin qamtamasyz etý
ASTANA. Sáýirdiń 1-i. QazAqparat - Ipotekalyq kredıtter arqyly turǵyn úı satyp alatyn azamattardyń áleýmettik kepildikterin qamtamasyz etý qajet.
Osy maqsatta Úkimet «Qazaqstan Respýblıkasynyń keıbir zańnamalyq aktilerine ıpotekalyq kredıt berý jáne qarjylyq qyzmetterdi tutynýshylar men ınvestorlardyń quqyqtaryn qorǵaý máseleleri boıynsha ózgerister men tolyqtyrýlar engizý týraly» zań jobasyn ázirlep, Májilistiń qaraýyna berdi, dep habarlaıdy QazAqparat.
Sonymen qatar zań jobasy baǵaly qaǵazdar naryǵynda qarjylyq qyzmetterdi tutynýshylardyń, ınvestorlardyń quqyqtaryn qorǵaýdyń birtutas júıesin qurý arqyly qarjylyq qyzmetter sapasyn arttyrý maqsatyn kózdeıdi.
Atalǵan zań jobasy QR Prezıdenti Ákimshiliginiń basshysy Aslan Mýsınniń 2009 jylǵy mamyrdyń 29-yndaǵy tapsyrmasyna sáıkes, sondaı-aq 2008-2010 jyldarǵa arnalǵan «Doing Business» reıtıngindegi Qazaqstannyń pozıtsııasyn joǵarylatý maqsatynda ázirlengen.
Zań jobasynda Azamattyq kodeksine, «Ákimshilik quqyq buzýshylyq týraly» kodekske, «Qazaqstan Respýblıkasyndaǵy bankter jáne bank qyzmeti týraly», «Jyljymaıtyn múlik ıpotekasy týraly», «Baǵalaý qyzmeti týraly», «Mıkrokerdıttik uıymdar týraly», «Kredıttik seriktestikter týraly», «Aktsıonerlik qoǵamdar týraly», «Qazaqstan Respýblıkasyndaǵy kredıttik bıýrolar jáne kredıttik tarıhty qalyptastyrý týraly», «Jeke jáne zańdy tulǵalardyń ótinishterin qaraý tártibi týraly» zańdarǵa túzetýler engizý kózdelgen.
Zań jobasyn iske asyrý memlekettik bıýdjetten shyǵyndardy talap etpeıdi.
