Zań jobasynyń maqsaty - Eýropa mádenı konventsııasyn bekitý
ASTANA. Naýryzdyń 27-si. QazAqparat - Zań jobasy 1954 jyly jeltoqsannyń 19-y kúni Parıj qalasynda qabyldanǵan Eýropa mádenı konventsııasyn bekitý maqsatynda ázirlengen. Osy oraıda Úkimetten Májiliske «Eýropa mádenı konventsııasyn ratıfıkatsııalaý týraly» zań jobasy kelip tústi,
dep habarlaıdy QazAqparat.
Konventsııada Eýropanyń ortaq mádenı ıgiligin qorǵaý jáne oǵan ulttyq úlesti damytýdy kótermeleý sharalary anyqtalǵan.
Konventsııaǵa qatysý Qazaqstan Respýblıkasy Prezıdentiniń 2008 jylǵy tamyzdyń 29-yndaǵy Jarlyǵymen bekitilgen 2009-2011 jyldarǵa arnalǵan «Eýropaǵa jol» memlekettik baǵdarlamasynda belgilengen máseleler turǵysynan ózekti bolyp tabylady.
Konventsııaǵa qosylý Konventsııaǵa qatysýshy memleketterdiń tilin, tarıhyn jáne mádenıetin zertteýdi damytýǵa, sondaı-aq Eýropalyq bilim mınıstrleriniń 1999 jylǵy maýsymnyń 19-yndaǵy «Eýropa joǵary bilim keńistigi» ortaq málimdemesine (Bolon deklaratsııasy) qatysýshy memleketter qurǵan Bolon protsesine qatysýǵa múmkindik berip, osynyń aıasynda Eýropa memleketteri tarapynan Qazaqstan Respýblıkasynyń joǵary oqý oryndarynyń dıplomdary tanylady.
«Qazaqstan Respýblıkasynyń halyqaralyq sharttary týraly» Qazaqstan Respýblıkasy Zańynyń 11-babyna sáıkes Konventsııa ratıfıkatsııalaýǵa jatady.
