Zań jobasynda N. Nazarbaevtyń ómir boıǵy prezıdenttigi týraly norma usynylǵan joq - Á. Jolshybekov
ASTANA. Mamyrdyń 5-i. QazAqparat /Qanat Mámetqazyuly/ ‑Elbasy mártebesin zańnamalyq deńgeıde naqtylaýǵa baǵyttalǵan zań jobasynda N. Nazarbaevtyń ómir boıǵy prezıdenttigi týraly normany usynǵan joqpyz.
Búgin QR Parlamenti Májilisiniń jalpy otyrysynda QR Prezıdentiniń mártebesin naqtylaýǵa qatysty zań jobasyna bastamashylyq jasaǵan depýtat Ámzebek Jolshybekov jýrnalısterge bergen suhbatynda osylaı málim etti, dep habarlaıdy QazAqparat.
«Qoldanystaǵy saılaý zańnamasynda azamattardyń el prezıdenti bolyp qatarynan eki márteden artyq saılana almaıtyndyǵy anyqtalǵan. Degenmen, bul normanyń Tuńǵysh Prezıdentke qatysy bolmaıtyndyǵy da kórsetilgen. Sondyqtan da, Elbasyn ómir boıǵy prezıdenttikke usynyp otyr deýshiler qatelesedi, bizdiń engizgen jobamyzda bul másele qamtylǵan joq. ıAǵnı, biz usynǵan normada Prezıdenttik merzimine qatysty esh másele qamtylmaǵan», dedi Á. Jolshybekov.
Degenmen, depýtat Á. Jolshybekov jobamen jumys barysynda «ómir boıǵy prezıdent» normasyn usynýǵa kez-kelgen depýtattyń quqy bar ekendigin de eske saldy.
