Zań jobasynda baspanaǵa muqtaj jetim balalarǵa jas shekteýi alyp tastalynady

Bul týraly búgin QR Parlamenti Májilisinde «Qazaqstan Respýblıkasynyń keıbir zańnamalyq aktilerine turǵyn úı qatynastary máseleleri boıynsha ózgerister men tolyqtyrýlar engizý týraly» zań jobasynyń tanystyrylymy barysynda Qurylys jáne turǵyn úı kommýnaldyq sharýashylyq isteri agenttigi tóraǵasynyń orynbasary Nıkolaı Tıhonıýk málim etti.

Jańa jobada jetim balalardy baspanamen qamtý erekshe nazarǵa alynady. Máselen, burynǵy zańda jetim balalarǵa baspana berý 18 jasqa tolǵanǵa deıin ǵana qaralatyn. Byltyrǵy jyly zańǵa engizilgen ózgerister barysynda bul 23 jasqa deıin uzartylǵan edi. «Jańa zań jobasynda turǵyn úıge muqtaj dep tanylyp, esepke alynǵan jetim balalar men ata-anasynyń qamqorlyǵynsyz qalǵan balalar baspanaǵa ıe bolǵansha esepten shyǵarylmaıdy. ıAǵnı, ondaı jandar kezekke turdy ma, ákimdik olardy úımen qamtamasyz etýge mindetti. Biz osyndaı normany usynyp otyrmyz», - dedi N. Tıhonıýk.

Sonymen birge, zań jobasynda áleýmettik osal toptardy da baspanamen qamtý erejesi de ózgeriske ushyraǵan. Máselen, qoldanystaǵy zańǵa sáıkes, baspana muqtajdyǵy úshin kezekke turǵysy keletin azamattardyń otbasylyq jıyntyq tabysy eń tómengi kúnkóris deńgeıinen aspaýy shart edi. ıAǵnı, áleýmettik osal dep tanylyp, baspana kezegine esepke alý úshin otbasynyń tabysy 14 myń 652 teńgeden tómen bolýy kerek. «Búgingi kúni áleýmettik az qorǵalǵan toptardyń basym bóliginiń tabysy eń tómengi kúnkóris deńgeıinen asyp ketedi. Sondyqtan, baspanaǵa qatysty kezekke turǵan ýaqytta halyqtyń áleýmettik osal toptarynyń tabysynyń shegi eń tómengi kúnkóris deńgeıinen 3,1 esege arttyrylyp belgilendi. ıAǵnı, ondaı sanattaǵy azamattyń jıyntyq tabysy 48 myń teńgege jetpeıtin bolýy kerek degen sóz», - dedi agenttik ókili.