Zań jobasyna «notarıattyq qupııa» uǵymy engizildi - Májilis
NUR-SULTAN. QazAqparat – Parlament Májilisiniń jalpy otyrysynda «Notarıat týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasy maquldandy, dep habarlaıdy QazAqparat tilshisi.
Zań jobasy QR Parlamenti depýtattarynyń bastamasymen notarıat salasyndaǵy zańnamany jetildirý maqsatynda ázirlendi.
«Túzetýlerdiń birinshi blogy notarıat jumysyndaǵy tsıfrlyq tehnologııalarǵa arnalǵan. Notarıattyq qyzmetti odan ári tsııarlandyrý – jasalatyn is-qımyldardyń jedeldigin, ashyqtyǵyn jáne zańdylyǵyn qamtamasyz etýge múmkindik beredi, notarıattyq qujattardy resimdeýdi jeńildetedi. Bul úshin elektrondyq notarıattyń jekelegen erekshelikterin zańnamalyq retteý qajet», - dedi Májilis depýtaty Balaım Kesebaeva.
Onyń aıtýynsha, zań jobasynda «notarıattyq qupııa» uǵymy engiziledi. Notarıattyq qupııa - notarıattyq qyzmettiń negizgi prıntsıpteriniń biri jáne kepili bolyp sanalady.
«Tártiptik is júrgizýdi obektıvti jáne jan-jaqty qaraý maqsatynda shaǵymdardy respýblıkalyq deńgeıde qaraıtyn Respýblıkalyq notarıattyq palatanyń tártiptik komıssııasyn qurý zańnamalyq turǵyda bekitiledi. Zań jobasynda elektrondy qujattyń qaǵaz jetkizgishtegi qujatpen teń mándiligin kýálandyrý jáne qaǵaz túrindegi qujattyń elektrondy qujatpen teń mándiligin kýálandyrý sııaqty eki jańa notarıattyq is-áreket engiziledi», - dedi depýtat.
