Zań jobasy: Ulttyq ınnovatsııalyq júıe protsesteri jandandyrylady
«Zań jobasynda qazaqstandyq jáne sheteldik sarapshylardyń biryńǵaı bazasyn qurý normasy kózdeledi. Ǵylymı jáne ǵylymı-tehnıkalyq qyzmet nátıjelerin kommertsııalandyrý protsesteri memleket tarapynan bıýdjettik qarjylandyrý salasyna tartylǵan», - dedi Edil Mamytbekov.
Osylaısha, eki negizgi býyndy – tıimdi granttyq qarjylandyrý men ǵylymı nátıjelerdi kommertsııalandyrýdy qoldaý sharalary kúsheıtilýde. Bul Qazaqstannyń naqty ulttyq ınnovatsııalyq júıesin qalyptastyrý protsesterin jandandyrýdaǵy mańyzdy qadam bolmaq.
«Árıne, ǵylymnyń barlyq problemalyq máselelerin bir zań jobasynda qamtý múmkin emes. Jeke normalar núktelik sıpatqa ıe. Atap aıtqanda, uǵymdyq apparat naqtylandy. Úkimettiń ǵylymı jáne ǵylymı-tehnıkalyq qyzmet nátıjelerin kommertsııalandyrýdy granttyq qarjylandyrý qaǵıdalaryn bekitýge ókilettikteri keńeıtildi. Ǵylym jáne ǵylymı-tehnıkalyq qyzmet salasyndaǵy salaaralyq úılestirý bóliginde ǵylym jónindegi ýákiletti organnyń jekelegen fýnktsııalary men mindetteri qaıta qaraldy. Úkimet janyndaǵy Joǵary ǵylymı-tehnıkalyq komıssııanyń, Ulttyq ǵylymı keńesterdiń mindetterine ózgerister engizildi. Memlekettik ulttyq ǵylymı-tehnıkalyq saraptama ortalyǵynyń quzyreti keńeıtilýde», - dedi ol.
Depýtat zań jobasyn qabyldaý ınnovatsııalyq - belsendi kásiporyndardyń úlesin ulǵaıtatynyn (28411 kásiporynnyń 3206-sy ǵana ınnovatsııalyq-belsendi kásiporynǵa jatady), al Qazaqstan jahandyq ınnovatsııalyq ındeksi (77-oryn) jáne ınnovatsııalyq ekonomıkalar (59-oryn) reıtıngterindegi óz pozıtsııasyn jaqsartatynyna senim bildirdi.
