Zań jobasy: Túrikmenstannan keletin stýdentter úsh esege artýy múmkin
Búgin QR Parlamenti Májilisiniń jalpy otyrysynda «Qazaqstan Respýblıkasy men Túrikmenstan Respýblıkasy arasyndaǵy strategııalyq áriptestik týraly shartty ratıfıkatsııalaý týraly» QR zańynyń jobasy maquldanǵan bolatyn. Zań jobasyn QR Syrtqy ister mınıstriniń orynbasary Ǵalymjan Qoıshybaev tanystyrdy.
Óz kezeginde QR Bilim jáne ǵylym vıtse-mınıstri Bıbigúl Asylova bilim jáne ǵylym salasynda Túrikmenstanmen qandaı baǵytta baılanystar nyǵaıa túsetinin atap ótti.
«Eń birinshiden, gýmanıtarlyq ǵylymdardyń baılanysyn nyǵaıtý salasynda, erte jáne orta ǵasyrdaǵy qoljazbalardy zertteý baǵytynda birlese jumys júrgizemiz. Ekinshiden, A.Baıtursynov atyndaǵy til bilimi ınstıtýty Túrikmenstan eliniń latyn qarpindegi álipbıge kóshý protsesin zertteıtin bolady. Úshinshiden, biz Túrikmenstan eliniń ǵalymdarymen birge balamaly qýat kózderin qoldanysqa engizý baǵytynda jumys júrgizemiz. Ózderińiz biletindeı, bıylǵy jyly IYU elderimen ǵylymı baǵdarlamaǵa qol qoıylǵan bolatyn. Osy baǵdarlamaǵa baılanysty atalǵan elmen birlesken ǵylymı jumystardyń aýqymy keńeıedi», - deıdi BǴM vıtse-mınıstri.
Sondaı-aq vıtse-mınıstr qazaqstandyq JOO-larǵa túrikmenstandyq stýdentterdi kóptep tartý kózdeletinin tilge tıek etti.
«Búgingi tańda Qazaqstanda 1231 túrikmenstandyq stýdent oqyp jatyr. Qazaqstannyń stýdentteri ol jaqta joq. Bizdiń oıymyzsha, atalǵan sharttyń ratıftıkatsııalanýy sol elden bizdiń elge keletin stýdentter sanyn 2-3 esege kóbeıtýge múmkindik beredi. Osy ýaqytqa deıingi kelisimderge sáıkes, 13 qarasha kúni ol jaqta bizdiń JOO-lardy tanystyryp, kórme ótkizdik. Jyl saıyn Qazaqstanda Túrikmenstannan 250 stýdent qabyldanady. Kelesi jyldan bastap ol jaqtan keletin stýdentterdiń sany kóbeıer degen senimdemiz. ıAǵnı, biz ózimizdi Ortalyq Azııada bilim haby retinde kórsetkimiz keledi», - deıdi Bıbigúl Asylova.
