Zań jobasy sýdıalardy ómir boıy qamtamasyz etýdiń tóleý tártibi men sharttaryn retteıdi
ASTANA. QazAqparat - «Qazaqstan Respýblıkasynyń sot júıesi jáne sýdıalardyń mártebesi týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» Qazaqstan Respýblıkasy Konstıtýtsııalyq zańynyń jobasy Memleket basshysynyń Respýblıka sýdıalarynyń VI sezinde sýdıalar qyzmetiniń áleýmettik jáne materıaldyq jaǵdaıyn arttyrý jóninde bergen tapsyrmasyn iske asyrý maqsatynda ázirlendi.
Konstıtýtsııalyq zańnyń jobasy sýdıalardy zeınetaqymen qamtamasyz etý ınstıtýtyn qaıta qurýdy kózdeıdi.
Zańǵa engiziletin túzetýler adamnyń, azamattyń quqyqtary men bostandyqtaryn qorǵaýdy kózdeıtin sot qorǵaýyna júgingen adamdardyń konstıtýtsııalyq quqyqtaryn iske asyrýdy qamtamasyz etetin sapaly ári turaqty sýdıalar korpýsyn qalyptastyrýǵa yqpal etetin bolady.
Sonymen qatar, zań jobasy sýdıalardy ómir boıy qamtamasyz etýdiń tóleý tártibi men sharttaryn retteıdi.
