Zań jobasy memlekettik organdardyń baqylaý-qadaǵalaý qyzmetiniń jalpy máselelerin retteýge baǵyttalǵan
ASTANA. Qazannyń 27-si. QazAqparat - Úkimet Májiliske «Qazaqstan Respýblıkasyndaǵy memlekettik baqylaý jáne qadaǵalaý týraly» zań jobasyn usyndy. Bul zań jobasy Qazaqstan Respýblıkasy Prezıdentiniń 2008 jylǵy qarashanyń 6-synda Sybaılas jemqorlyqqa qarsy forýmda bergen tapsyrmalaryn oryndaýǵa baǵyttalǵan,
dep habarlaıdy QazAqparat.
Memlekettik ákimshilik organdarynyń baqylaýy men qadaǵalaýy bir jaǵynan memlekettik basqarýdy, ekinshi jaǵynanan zańdylyqty qamtamasyz etý tásilderin bildire otyra, ınstıtýtsıonaldyq uıymdastyrý jáne osy qyzmettiń mazmuny jaǵynan da jáne tekserýshiler men tekseriletinderdiń tikeleı baılanystar jaǵynan da qashan da ákimshilik zańnamalyq ózekti máseleleriniń biri bolyp tabylady. Kórsetilgen qyzmet qashan da bılik ókilettikteriniń baıqalýymen, baqylaýdaǵy jáne qadaǵalaýdaǵy sýbektiler úshin belgili bir quqyqtyq saldarlarmen baılanysty, bul sybaılas jemqorlyq quqyq buzýshylyqtardy joramaldaıdy.
Osy zań jobasymen memlekettik organdardyń baqylaý-qadaǵalaý qyzmetiniń jalpy máselelerin retteýge jáne onyń negizgi qaǵıdalaryn belgileýge biryńǵaıly quqyqtyq negiz qalyptastyrý kózdeledi. Bul rette quqyqtyq retteý jeke salalarynyń spetsıfıkasyn eskere otyryp, memlekettik baqylaý jáne qadaǵalaý júrgizýdiń erekshelikterin salalyq zańnamalyq aktilerde qaldyrý usynyldy.
Zań jobasymen baqylaý jáne qadaǵalaý túrleri belgilendi, baqylaýǵa (qadaǵalaýǵa) jatatyn sýbektilerge tekserýdi júzege asyrý máseleleri retteledi.
Budan basqa, quqyq qoldaný tájirıbesinde biryńǵaıly túsiný qamtamasyz etý maqsatynda, zań jobasynyń sheńberinde baqylaý jáne qadaǵalaý uǵymdaryn ajyratý júrgizildi.
Zań jobasynyń mazmuny men tujyrymdamasy Qazaqstan Respýblıkasynyń Konstıtýtsııasyna jáne Qazaqstan Respýblıkasynyń basqa da zańnamalyq aktilerine qaıshy kelmeıdi.
