Zań jobasy qabyldansa atom salasy men energetıka qarqyndy túrde damıy - vıtse-mınıstr
ANA. 16 naýryz. QazAqparat /Rýslan Ǵabbasov/ - Atom salasynda retteýshi organ qurylady. Bul týraly búgin Astanadaǵy elektr energetıkasyn damytý máselesine arnalǵan VII respýblıkalyq keńeste Indýstrııa jáne jańa tehnologııalar vıtse-mınıstri Dúısenbaı Turǵanov málim etti.
«Qazirgi kezde Parlament Májilisinde atom energetıkasyn paıdalaný týraly zań jobasy qaralyp jatyr. Bul joba boıynsha depýtattardan óte mańyzdy usynystar kelip tústi»,-dedi vıtse-mınıstr.
Onyń sózine qaraǵanda, osy zań jobasy 1 jyldan astam ýaqyt Parlament qaraýynda jatyr. «Eń sońǵy eskertýlerdiń biri - ol atom salasyn retteýshi organdy qurýǵa baılanysty boldy. Taıaý kúnderi bul másele sheshildi. Bul zań jobasy qabyldansa atom salasy men energetıka qarqyndy túrde damıdy dep esepteımiz»,-dep atap ótti D. Turǵanov.
