Zań jobasy energııa únemdeý jáne energııa tıimdiligin arttyrýdy kózdeıdi
TANA. 6 qazan. QazAqparat - Zań jobasynyń maqsaty - energııa únemdeý jáne energııa tıimdiligin arttyrý. Osy oraıda búgin Májiliste «Energııa únemdeý jáne energııa tıimdiligin arttyrý týraly» zań jobasynyń tanystyrylymy ótti, dep habarlaıdy Májilistiń baspasóz qyzmeti.
Májilistiń Ekologııa máseleleri jáne tabıǵat paıdalaný komıtetiniń hatshysy Valerıı Kotovıch kirispe sózinde: «Osy jobanyń elimiz úshin, memleket úshin mańyzy zor. Sebebi Elbasymyz N.Á.Nazarbaev atap aıtqandaı, energııany tıimdi paıdalaný basty maqsat bolyp tabylady. Sondyqtan besinshi sessııany ashý barysynda Prezıdent N.Nazarbaev depýtattarǵa atalǵan zań jobasyn birinshi kezekte qabyldaý jóninde mindet qoıdy»,- dedi.
QR Indýstrııa jáne jańa tehnologııalar mınıstriniń orynbasary Qanysh Tóleýshın baıandama jasap, zań jobasy «Qazaqstannyń 2030 jylǵa deıingi Damý strategııasyn odan ári iske asyrý jónindegi sharalar týraly» Qazaqstan Prezıdentiniń 2007 jylǵy 6 sáýirdegi Jarlyǵyna sáıkes ázirlengenin aıtty.
Sonymen qatar «Qazaqstan Respýblıkasynyń keıbir zańnamalyq aktilerine energııa únemdeý jáne energııa tıimdiligin arttyrý máseleleri boıynsha ózgerister men tolyqtyrýlar engizý týraly»zań jobasynyń maqsaty da baıandaldy. Bul zań joba «Energııa únemdeý jáne energııa tıimdiligin arttyrý týraly» Qazaqstan Respýblıkasynyń Zańy jobasynyń normalaryn iske asyrý maqsatynda ázirlendi.
Zań jobasymen Qazaqstan Respýblıkasynyń Ákimshilik quqyq buzýshylyq týraly jáne Bıýdjet kodeksine, «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi), sondaı-aq «Qazaqstan Respýblıkasyndaǵy kólik týraly», «Tabıǵı monopolııalar jáne retteletin naryqtar týraly», «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly», «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» zańdarǵa túzetýler engiziledi. Sonymen birge «Elektr energetıkasy týraly», «Memlekettik baqylaý jáne qadaǵalaý týraly», «Turǵyn úı qatynastary týraly», «Jer qoınaýy jáne jer qoınaýyn paıdalaný týraly» Qazaqstan Respýblıkasynyń Zańdaryna ózgerister men tolyqtyrýlar engizýdi kózdeıdi.
Zań jobasyn qabyldaý energııa únemdeý jáne energııa tıimdiligin arttyrý týraly qazaqstandyq zańnamany jetildirýge, ár túrli memlekettik organdar arasyndaǵy mindetterdi naqty bólisýge, zańnamalyq normalardyń tikeleı qoldanylýyn qamtamasyz etýge yqpal etetin bolady.
Baıandamashy Qanysh Tóleýshın, sondaı-aq QR Indýstrııa jáne jańa tehnologııalar mınıstriniń birinshi orynbasary Albert Raý depýtattardyń suraqtaryna jaýap berdi.
Otyrysta Amanǵos Ótegenov, Vıktor Kııanskıı, Daýylbaı Qusaıynov, Ashat Bekenov, Ivan Chırkalın, Shavhat Ótemisov jáne basqa depýtattar zań jobasyna qatysty usynystaryn ortaǵa saldy.
Zań jobasy boıynsha qurylǵan jumys tobyna Májilistiń Ekologııa máseleleri jáne tabıǵat paıdalaný komıtetiniń múshesi Erbolat Ápsálıamov jetekshilik jasaıdy. Ol kelesi aptada zań jobasy jumys toby sheńberinde talqyǵa salynatynyn habarlady.
Bul sharany Májilistiń Ekologııa máseleleri jáne tabıǵat paıdalaný komıteti uıymdastyrdy.
