Zań jobasy dońǵalaqty kólik quraldaryn merzimdi tehnıkalyq tekserýge arnalǵan birkelki talaptardy qabyldaý máselelerin qarastyrady
ASTANA. Naýryzdyń 26-sy. QazAqparat - Úkimet «Dońǵalaqty kólik quraldaryn merzimdi tehnıkalyq tekserýge arnalǵan birkelki tehnıkalyq sharttardy qabyldaý týraly jáne osyndaı tekserýlerdi ózara taný týraly kelisimdi ratıfıkatsııalaý týraly» zań jobasyn Májilistiń qaraýyna usyndy,
dep habarlaıdy QazAqparat.
EýrAzEQ Memleketaralyq Keńesiniń 2007 jylǵy qazannyń 6-syndaǵy sheshimimen EýrAzEQ-qa múshe memleketterge kólik jáne kommýnıkatsııa salasyndaǵy halyqaralyq konventsııalar men sharttarǵa, onyń ishinde Dońǵalaqty kólik quraldaryn merzimdi tehnıkalyq tekserýge arnalǵan birkelki tehnıkalyq sharttardy qabyldaý týraly jáne osyndaı tekserýlerdi ózara taný týraly kelisimge qosylý týraly usynys jasaldy.
Osyǵan oraı dońǵalaqty kólik quraldaryn merzimdi tehnıkalyq tekserýge arnalǵan birkelki talaptardy qabyldaýǵa jáne barlyq Kelisimniń múshe memleketterimen osyndaı tekserýlerdi ózara tanýǵa baǵyttalǵan Kelisimniń ratıfıkatsııalaýyn kózdeıtin Zań jobasyn Úkimet ázirlep, Parlament Májilisiniń qaraýyna engizip otyr.
Kelisimdi ratıfıkatsııalaý Qazaqstan Respýblıkasyndaǵy tehnıkalyq jáne tehnologııalyq normalardy eýropalyq standarttarmen birdeılendirýge, merzimdi tehnıkalyq tekserýlerdi ótý úshin ýaqytty jáne olarmen qatysty shyǵyndardy únemdeýge, sondaı-aq kólik quraldaryna «Eýro-2» ekologııalyq talaptaryn engizýge múmkindik beredi.
Kelisimdi ratıfıkatsııalaǵan kezde ony iske asyrý keleńsiz áleýmettik-ekonomıkalyq jáne quqyqtyq saldarǵa ákep soqpaıdy, sondaı-aq respýblıkalyq bıýdjetten qosymsha shyǵyndardy qajet etpeıdi.
