Zań jobasy: Bızneske buzýshylyqtardy joıýǵa múmkindik beriledi

ASTANA. QazAqparat - Baqylaýshy organdar bızneske tekseris barysynda anyqtalǵan buzýshylyqtardy túzetýge múmkindik berip, aıyppul salmaıdy. Bul jaıynda QR Ulttyq ekonomıka mınıstri Tımýr Súleımenov málim etti, dep habarlaıdy QazAqparat.

«Biz «aldyn alý baqylaýy» dep atalatyn túsinik engizemiz. Bul barynsha revolıýtsııalyq ózgertý. Qazirgi ýaqytta tekserýshi nysandy tekserý barysynda buzýshylyq tapsa, onda mindetti túrde hattama, al odan keıin ákimshilik aıyppul týraly hattama jazady. Biz bul júıeni túbegeıli ózgertýdi usynamyz. ıAǵnı, tekserýshi buzýshylyqty (asa óreskel emes) tapqannan keıin  eskertý hatyn jazyp, atalǵan buzýshylyqty joıýǵa aqylǵa qonymdy ýaqyt beredi. Buzýshylyq túzetilgen jaǵdaıda atalǵan kásipkerlik sýbektisine eshqandaı talap qoıylmaıdy. Eger de bıznesmen aqylǵa qonymdy ýaqyttyń ishinde buzýshylyqty túzete almasa, onda ákimshilik jaýapkershilik sharalary salynatyn bolady», - dedi mınıstr QazAqparat tilshisine bergen suhbatynda. 

Munan bólek, memleket kvazımemlekettik sektor men tabıǵı monopolııa sýbektileri beretin jáne bıznes ony kórsetetin lıtsenzııalar men ruqsattardy retteıtin bolady

«Ózderińizde biletindeı, bizde  olar kórsetetin óte kóp qyzmet bar. Olar elektr jelilerine, jylý jelilerine, sý kommýnıkatsııalaryna qosylý syndy - jalǵasa beredi. Olardyń ózindik protsedýralary bar. Olar barynsha kúrdeli, túsiniksiz ári reglamenttelmegen. Sondyqtan biz ony reglamentteıtin bolamyz. Munan bólek, áralýan qyzmet túrlerine, tipti ol anyqtama, qandaı da bir kelisim bolsyn, túrli memlekettik RKM nemese AQ  kórsetetin tarıfterdi de tekserip shyǵamyz», - dedi Tımýr Súleımenov.

Mınıstrdiń atap ótýinshe, bul sharalar «Kásipkerlik qyzmetti retteýdi jetildirý máseleleri boıynsha QR-nyń keıbir zańnamalyq aktilerine ózgertýler men tolyqtyrýlar engizý týraly» zań jobasy aıasynda kózdelip otyr. Qujat qyrkúıek aıynda Májilis depýtattarynyń qaraýyna engizilmek.